کارگەی چیمەنتۆی ماس (ماس گروپ هۆڵدینگ)

کارگەی چیمەنتۆی ماس لە سەرەتای ساڵی ٢٠٠٨ لە پارێزگای سلێمانی، ناوچەی بازیان (٣٠ کم ڕۆژئاوای شاری سلێمانی) دامەزراوە. کارگەکە لە سێ هێڵی بەرهەمهێنانی هاوشێوە پێکدێت کە پشت بە تەکنەلۆژیای "ڕێگای وشک" (Dry Process) و پرۆسەی سوتاندنی پێشوەختە (Pre-calcination) دەبەستن لە بەرهەمهێنانی چیمەنتۆدا.
توانای بەرهەمهێنانی کۆمپانیاکە ساڵانە دەگاتە شەش ملیۆن تەن لە سێ جۆری سەرەکی چیمەنتۆ (چیمەنتۆی بۆرتلاندی ئاسایی، چیمەنتۆی بۆرتلاندی بەرگەگری خوێ و گۆگرد "Sulfate Resistant"، و چیمەنتۆی بۆرتلاندی زۆر ورد "High fine grain"). بەرهەمهێنانی هێڵی یەکەم لە سەرەتای ساڵی ٢٠١٠ و هێڵی دووەم لە مانگی ئابی ٢٠١١ دەستیپێکرد، لەکاتێکدا هێڵی سێیەم لە مانگی ئازاری ٢٠١٣ بە شێوەی فیعلی چووە بواری بەرهەمهێنانەوە. توانای بەرهەمهێنان بە شێوەیەکی یەک لەدوای یەک زیادکرا بەهۆی پێداویستی بازاڕی ناوخۆ بۆ ئەم ماددە ستراتیژییە کە بە بڕبڕەی پشتی بیناسازی و گەشەپێدان دادەنرێت، هەروەها بەهۆی پێویستی زۆری وڵات بۆی بە مەبەستی ئاوەدانکردنەوەی ئەوەی لە ساڵانی جەنگ و ناسەقامگیریدا وێران ببوو.
بەرهەمەکانمان لە هەموو پارێزگاکانی عێراق (لە باکوور، ناوەڕاست و باشوور) بازاڕکاری بۆ دەکرێت. بەرهەمەکەمان ناوبانگێکی زۆر بەرزی بەدەستهێناوە بەهۆی کواڵێتییە بەرزەکەیەوە کە تەنانەت محدداتی "پێوەری عێراقی ژمارە ٥ی ساڵی ٢٠١٩" تێدەپەڕێنێت، ئەمەش لە ئەنجامی بەکارهێنانی تەکنەلۆژیای مۆدێرن و کەرەستەی خاوی نایابەوەیە.
کواڵێتی بەرهەم لە ڕێگەی تاقیگەکانی کۆمپانیای کارپێکەر و تاقیگەکانی کۆمپانیای ماسەوە کۆنتڕۆڵ دەکرێت، سەرەڕای بەدواداچوونی خولیی و وەرگرتنی نموونە لەلایەن "دەزگای ناوەندی پێوانەسازی و کۆنتڕۆڵی جۆری"یەوە، کە بەهۆیەوە چەندین سوپاسنامە و بڕوانامەی ڕێزلێنانیان بەخشیوە بە کۆمپانیای ماس.
کۆمپانیا دۆخی ژینگەیی ناوچەکەی بە هەند وەرگرتووە، بۆیە فیلتەری کیسی (Bag filters) بەکاردەهێنین کە کاراییەکی زۆر بەرزیان سەلماندووە لە ڕێگریکردن لە بڵاوبوونەوەی تەنۆلکە ڕەقەکان و تۆز و خۆڵ بۆ ناو بەرگەهەوا. هەروەها ئاوی پاشەڕۆ لە ڕێگەی یەکەیەکی تایبەتی چارەسەرکردنەوە پاک دەکرێتەوە و دووبارە بۆ مەبەستی ئاودێری و کشتوکاڵ بەکاردەهێنرێتەوە. لە لایەکی ترەوە، ڕێژەیەکی بەرز لە زەوییەکان بە درەخت، دەوەن، گوڵ و چیمەنی سروشتی چێنراون بۆ ئەوەی سیمایەکی وەک پارک بە کارگەکە ببەخشن، بەمەش وێنە کۆنەکەی کارگەکانی چیمەنتۆیان سڕیوەتەوە